CLICK HERE FOR THOUSANDS OF FREE BLOGGER TEMPLATES »

تنويـــــــــــــــــــــــــــــــــــــــــــــــــــــــــــــــــــــــه

أحداث هذه القصة مستوحاة من واقع كليات الطب في مصر وليست من الخيال وان كانت الشخصيات غير حقيقية وانما هي تعبر عن الواقع بكل ما فيه من جيد أو سيء

Monday, June 2, 2008

ممتاز في مستشفي العجائب

حقيقة :
في الطب دائما يوجد من هو اعلي منك
-14-
بعد أن قابل ممتاز المريض الذي قرر توصيله لقسم القلب بالمستشفي سار معه , ماسكا في يده الاشعة ورسم القلب الذين يخصان المريض , الي أن وصلا الي باب المستشفي فاستوقفهما حارس البوابة
رايح فين يا اخ
انا..انا طالب هنا في كلية الطب
طيب اتفضل , ودا مين اللي معاك
دا مريض هوديه قسم القلب
طيب ادخل يا دكتور
شعر ممتاز بنفس الشعور الذي ينتابه كلما ناداه احدهم باللقب "دكتور" ودعا في نفسه ان يتحقق الحلم عما قريب . وسار بصحبة الرجل وأخذ يتلفت يمينا ويساراً كأليس في بلاد العجائب فهذه كانت أول مرة تطأ قدماه ارض مستشفي تعليمي , وكانت المرة الأولي التي يدخل فيها مستشفي كطبيب وليس كمريض , هكذا كان يشعر.
..
لفت انتباهه أعداد المرضي الكثيرة التي راها حتي انه تصور ان الشعب كله مريض وجاء ليتلقي العلاج ,الكل يسير مسرعا , احدهم يجري , هناك بعض الشباب الواقفين يضحكون بصوت مرتفع لا يليق
بمستشفي من الواضح انهم طلبة يحملون بأيديهم بعض الكتب , وأخرين يفترشون رصيف المستشفي ويبدون أيضاً كالطلبة , وعلي الجانب الاخر بعض النساء وقفن يبكين ويصرخن, أم تحمل ابنها المريض
علي كتفيها , رجل عجوز يسير بخطوات متهالكة , بعض المرضي يقفون في شرفات مبني المستشفي
يا ربي , ايه كل دا
قالها ممتاز في نفسه وهو يتعجب مما يري .وكان قد وصل هو والرجل الي مبني قسم القلب , فسأل الحارس
هو قسم القلب في الدور الكام
الدور الرابع علي اليمين
..
وهنا نظر ممتاز فوجد الأسانسير فابتهج كثيرا وتوجه في اتجاهه , ولكن استوقفه عامل الأسانسير قائلا
رايح فين حضرتك
انا طالع قسم القلب
لا من السلم , دا الاسانسير الخاص بالدكاترة
ايوة انا طالب في الكلية ودا مريض معايا
طيب اركب وأمري لله, لما نشوف اخرة الشغلانة دي ايه
..
ولم يدر ممتاز لم يكلمه الرجل هكذا , ربما هو ضغط العمل.. ربما
وهكذا وقف الاسانسير في الدور الرابع ونزل ممتاز والمريض معه , وسار في ممر طويل اصابه بحالة من الذهول , فوقف ينظر من حوله ليري الحوائط وقد تاكل طلائها والارضية التي تحول لونها الي الاسود وان كان بعضها لازال يحمل اثار اللون الابيض الاساسي , العنكبوت الذي يغطي السقف من فوقه , والشبابيك التي يعلوها الغبار , كل هذا لم يزعجه بقدر الرائحة التي كادت تصيبه بالاغماء , لم تكن كرائحة المستشفيات التي زارها من قبل كروائح البنج والمطهرات والادوية وانما كانت مختلفة تماما
..
هو احنا وصلنا يا دكتور
التفت ممتاز علي صوت المريض الذي انقذه من تاملاته
اه اه وصلنا يا حج , ثواني بس أشوفلك حد من الدكاترة
واخذ ممتاز ينظر من حوله منتظرا قدوم احد تلك الكائنات التي ترتدي البالطو الأبيض وتبدو عليها علامات الدكترة" , الي أن رأي احدهم فجري عليه ممتاز فقد كان في عجلة من أمره
..
لو سمحت يا دكتور يا دكتور لو سمحت
نعم نعم فيه ايه
هو حضرتك دكتور هنا في القسم
لا انا امتياز عايز حاجة
وهنا ابتلع ممتاز ريقه محاولاً فهم معني الكلمة . فهل امتياز هذا لا يعني انه طبيب اذا لماذا يرتدي البالطو الأبيض ويبدو كطبيب , ثم أضاءت تلك اللمبة الصفراء فوق رأسه عندما ادرك ان هذا اسمه
اهلا وسهلاً , وانا ممتاز طالب في سنة اولي في كلية طب
انت بتتريق ولا ايه
باتريق ازاي حضرتك , علشان تشابه الأسماء , لا والله انا اسمي فعلا ممتاز علي اسم حضرتك
وهنا لم يتمالك طبيب الامتياز نفسه من الضحك
ههههههههههههههههههه
و اقترب من ممتاز وربت علي كتفه محاولا افهامه
يا ممتاز "امتياز" دا لقب الطبيب في سنة سابعة , يعني بعد ما بتتخرج وتاخد البكالوريوس في سنة 6
بيبقي اسمك امتياز في سنة سابعة اللي هو التدريب في المستشفي
..
وهنا اتسعت عينا ممتاز عن اخرهما وابتسم ابتسامة بلهاء تعلن عن فهمه
ايه دا انا أول مرة أعرف , يعني حضرتك في سنة سابعة , يا سلااااااام مع ان شكلك دكتور بجد , بس هو حضرتك ليه لابس بالطو يعني بتعمل ايه هنا في المستشفي , وظيفتك ايه يعني
هههههههههههههههههههه
ضحك الطبيب ومال علي ممتاز وهمس في اذنه بعيدا عن سمع المريض
احنا هنا بنخدم علي الدكاترة والمرضي ومش بعيد الممرضات كمان ههههههههههههههه
ولم يفهم ممتاز لماذا يضحك الطبيب ولم يفهم اصلاً نوعية الخدمات التي يقدمونها طلبة الامتياز , بل حاول أن يفهم فاستدرك قائلا
يعني حضرتك بتساعد المرضي
حاجة زي كدة ههههههههههههههه
..
وللمرة الثانية لم يفهم ممتاز سر سعادة الطبيب, فتغاضي عن تلك الضحكات التي اعتقد انها من صفات اطباء الامتياز واستكمل حديثه في جدية
طيب انا معايا مريض وهو كانوا طلبوا منه اشعة علي الصدر ورسم قلب ممكن حضرتك تساعده
احم احم لا اساعده ايه بص انت تروح تدور علي النايب د/أحمد دا الراس الكبيرة هنا انا مجرد امتياز غلبان , بص هتلاقيه هناك في الأودة دي علشان انا مش فاضي ورايا مشاوير عايز اعملها في المستشفي
طيب متشكر لمساعدتك , بس ممكن اطلب منك طلب , ممكن رقم تليفونك علشان لو احتجت أسأل عن حاجة ابقي اكلمك , لو مش هيضايقك, انا كان نفسي اتعرف علي حد أكبر مني
بس كدة , اكتب يا ميزو رقم موبايلي , شكلك واد طيب أوي وشكلنا هنبقي أصحاب
....
بعد أن انتهي ممتاز من تسجيل الرقم والسلام علي الطبيب الذي علم ان اسمه "هادي" , اصطحب المريض
وذهبا في اتجاه الحجرة ليبحث عن النائب , ولكنه توقف فجاة وسأل نفسه بصوت مسموع
"نايب!! هو ايه النايب دا؟؟؟
..
ثم تابع سيره حتي وصل الي الغرفة فوجد بها بعض الأشخاص الذين يرتدون بلاطي بيضاء ولم يشأ أن يكرر غلطته السابقة مع طبيب الامتاز فهو الان فاهم وواعي لما حوله , فدخل عليهم يسألهم
انتوا امتياز ولا دكاترة؟!!!
وهنا ضحك كل من بالغرفة , ثم قال له احدهم
انت عايز مين؟
قال ممتاز وقد شعر بالاحراج قليلا
"احم.. أنا عايز النايب أحمد"
ايوة انا عايز ايه؟
وقد تفاجأ النايب بسؤال ممتاز الذي سأله بتلقائية وسذاجة شديدتين:
هو يعني ايه نايب؟
ههههههههههههه
هو انت جاي تسألني يعني ايه نايب
هههههههههههه
لا لا انا جاي أطلب من حضرتك تساعد المريض دا , لانه طلب مني أقراله الأشعة ورسم القلب اللي معاه وانا مش فاهم فيهم حاجة علشان انا طالب لسة في سنة اولي واسمي ممتاز
هههههههه
طيب يا ممتاز اولا نايب يعني لما تتخرج كدة وربنا يكرمك وتجيب تقدير كبير وتطلع من الاوائل هتتعين في المستشفي بس مش معيد هتتعين دكتور هنا وتيجي تقعد جنبنا وتقضي فترة اسمها نيابة في القسم اللي تختاره وتقديرك يسمحلك بيه وبعد كدة بتبقي أستاذ جامعي كبير , يلا بقي اتشطر كدة وهات تقدير كبير علشان تتعين وتبقي زميلنا , وسيب الحاج ده انا هأشوفه عايز ايه
استناني برة يا حج لحد ما اجيلك
ياااااااااااااااه دا الموضوع كبير كبير , متشكر اوي يا دكتور علي مساعدتي ومساعدة المريض دا , بس لية
طلب ممكن؟
خير يا ممتاز
هو ممكن أبقي اجي لحضرتك هنا المستشفي أقف معاك وانت بتشتغل
حسب الظروف لو فاضي ماشي ابقي تعالي ممكن اساعدك , بس مش تستني لما توصل كدة سنة خامسة ولا سادسة وتاخد باطنة وقلب وتبقي تيجي القسم, عموما تعالي بس انا كتير بابقي مشغول وورايا 600 حاجة
طيب متشكر يا دكتور
.....
خرج ممتاز من المستشفي تاركاً خلفه عالما واسعا اكبر مما كان يتصوره , فلم يكن يدرك أن المستشفي التعليمي بها كل ما رأه , كان اليوم بمثابة مغامرة جديدة في حياة ممتاز , نافذة جديدة فتحت امامه علي عالم مليء بالأسرار التي كان لا يعرفها وان كان الي الان لم يعرف سر نوبة الضحك الذي كان ينتاب كل من يحادثه في المستشفي ,ولكنه شعر يومها بأمل يتجدد و بذرة حلم تكبر أمامه , فهو الأن يقف علي ارض صلبة , الان لديه الدافع ليذاكر لكي يتخرج ويقضي سنة امتيازه ثم لكي يصبح نائباً بقسم القلب كدكتور احمد ويري الالاف من اوراق الأشعة ورسم القلب
..

44 comments:

Mafrousa said...

مش ممكن طريقتك....لو تلاحظى انا قعدالك على باب المدونه مستنيه الباقى من آخر مره

هههههه
طريقتك حلوه جداااا و شيقه جداااا
خاصتى امتحنااات؟
لو خلصتى حاجى بعد بكلره اشوف الحلقه اللى بعد كده
سلاااام
ممتاز ده ولد طيب اوى

دعاء مواجهات said...

بجد ربنا يعينك

تحفة المدونة

وفكرتها واسمها حلووين اوى

تقبل تحيااتى

انتظرك بمدونتى

سلااموز

سنووايت said...

واحدة مفروسة

هههههههه منورة باب المدونة بجد ههههههه
انا كان عندي امتحانين بس خلصتهم وخلاص عندي امتحانات تاني في شهر 8 وفي اخر 11 كدة ان شاء الله
بس ما تقلقيش الحلقة الجاية هنزلها علي طول , المشكلة بس اني باحتاج الاول افكر في فكرة الحلقة وبعدين اكتبها
بس علشان ما تستنيش كتير علي باب المدونة هنزلها علي طول او ممكن تدخلي تتفضلي في الصالون لحد ما ممتاز ييجي ههههههههه

سنووايت said...

دعاء مواجهات


شكرا ليكي يا دعاء
ربنا يخليكي
وانا كنت لسة عندك من شوية :)

شهرزاد said...

ههههههههههه
ممتاز ده طيب اوييييييييييييييي
بجد كل ماقرأ كلمة انا امتياز مش دكتور بحس بالماساة اللي هنبقى فيها
بس الغريب ان ده اداله دفعه للأمام ،بكره يشوف هيتمنى انه لاكان دخل ولا اتخرج ولا حتى رتب
يعني اللي رتبوا عملوا ايه
زي ما الامتياز له النايب
النايب له المدرس المساعد
وربنا على المفتري:((

د. إيمان مكاوي said...

أسلوبك شيق يا سنو وايت ...بيرجعني لأيام الكليه الجميله..ربنا يوفقك ...وأشوف قصصك دي منشوره في كتاب
تحياتي

ادم المصرى said...

جميل جدا جدا جدا بجد ربنا يحفظك انا شكلى هنملك على بابها هرشلك الميه عقبال متفتحى تانى وهرتبلك موعيدك انتى مدونتك متتسبش واتمنا زيارتك ممكن

wanna b a physician said...

ههههههههههههههههههههههههههههههه
بكرة يعرف يعنى اية امتياز الحج ممتاز
ونيابة اية وبوليس اية بس خليه فى حاله احسن
الناس فاهمه كل النواب فاهمه الله يكون فى عون البلد دى والعيانين

سنووايت said...

شهرزاد

مانا قلت في اول البوست
فس الطب دايما هناك ما اعلي منك وربنا علي الظالم

سنووايت said...

ema

ميرسي يا ايما ربنا يخليكي
ايام الكلية اعتقد بتقولي يا ريتها ما ترجع

سنووايت said...

ادم المصري

اهلا بك في المدونة , وشكلي كدة هعمل قاعدة كبيرة علي الباب علشان ماحدش يقف ههههههههههه
لا بجد اهلا بأول زيارة ليك ويا رب تكون عرفت تجمع الحلقات كلها هو ما فاتش كتير اللي جاي أكتر

سنووايت said...

wanna b a physician

انا زهقت بصراحة من سنة اولي عايزاه يدخل بقي علي امهم ويفهم اللي فيها
ربنا معاه ممتاز بيصعب علية أويييييييييي

Anonymous said...

والله انتى عسل الله يحفظك ويعينك علي هاالطب

مدونتك روعة بصراحة ونتمنى تشرفينا وتمرى لعندنا :)

سنووايت said...

شلة بط

نورتوا المدونة واهلا بيكم

صناع المحلة الكبرى .. دواهم في غيدك said...

أيه ده

أنا جيت متأخر أوي المرادي و لا ايه
:((
ما علينا

ك العاده سيناريو أكثر من رائع

بس أنا في حاجه بس كنت حسيتها
أن حصل زياده في وصف طبيب الأمتياز و النايب
أو جايزز ده ناتج عن أني عارفهم قبل كده

يعني

و لكن أكثر ما أعجبني في الحلقه دي هو العنوان
بجد تحفه

في أنتظار القادم أن شاء الله

دمتي بخير

سنووايت said...

!!!!!

هو انا مش فاهمة الزيادة في وصف النايب والامتياز ازاي , بس انا عملت حساب ان مش كل اللي بيقرا الحكايات عارف التفاصيل دي فحبيت بس اوضح الصورة علشان ما تبقاش مبهمة وغير واضحة

العنوان اشتقيته من اليس في بلاد العجائب , علي اعتبار ان اللي شافه ممتاز كان فوق توقعاته وحساباته
ولسة ياما هيشوف

شكرا علي الرأي والتعليق

ادم المصرى said...

سنووايت اذيك مرسى يقمر على الزياره ولكن انا نزلت جزأ تانى من اميره بكل النساء تعليقك يهمنى

سنووايت said...

ادم المصري


شكرا ادم
وهاكون موجودة علي المدونة علشان اقرا الجزء الجديد

funckydoctor said...

مسكين مكانش عارف
عندنا بقا ممكن تبقى نايب وتتشاط بعد الماجستير علشاان مافيش درجات مالية
وصبح صبح

Anonymous said...

بس ده فالتراوة خااااالص
دانا يللي كنت ادبي ودخلت اداب عارفة ايه امتياز والحوارات دي حتى خلاني ماقلوليش عليها لأنهم برغم انهم دكاترة دمهم تقيل على قلبي فمابحولش اسألهم فحاجة

بس ربنا معاه وعوبال مايبئى نايب

الفارس الملثم said...

ايه التعقيد ده يا سنووايت , انتي كده عقدتي اي حد بيشاور عقله يدخل طب ههههههههههههه

طبعا اغلب التفاصيل في البوست ده جديده عليا بس احنا مفتقدين الشق الانساني لممتاز اللي كان في البوستات السابقه ..

انتي في تعليقك اللي فات افترضتي ان امل تستاهل لانها شخصيه انتهازيه , بس ممكن تكون اتخدعت بمنطق وتفسير مرتضي لان ممتاز محاولش يقدم الوجه الاخر للحقيقه الغايبه عنها

تحياتي ومستنين التكمله

رندا said...

وحششششششششششنى قوى
البوست دة بالذات
انا عارفة انى مقصرة معاكى
بس والله ظروف الامتحانات البيت كلة مكهرب بس هانت اهو ربنا معانا كلنا

وقريب ان شاء الله هفضى دعواتك بس

دمتى حبيبتى قوى


رندا

Ana said...

سعدت بمدونتك الجميلة وأعد بالمتابعة
فى انتظار تشريفك لى فى دخل الشتا .

ادم المصرى said...

بجد قصة حلوة اوى

وفيها اشياء رائعه فلك لكل قصة مغزى

واعتقد انه بهذه السلسله الرائعه كثير من الامتيازات اهمها

الطيبه وحب مساعدة الغير لانها اهم صفات الدكتور

ضرورة البحث عن تمرين حتى باوقات العملوانا النظرى لا يكفى لوحده

شكرا اخى وننتظر جديدك مع الدكتور ممتاز

اختك : همس الاحساس
ننتظر جديدك ونترقبه

بتمنى تزور مدونتى

ادم المصرى said...

بسم الله مشاء الله عليكى بجد انتى عمله كنترول على المدونه بظيع وجميل جدا والبوست رائع رائع انا شفت الى فات وكانت نفس النتيجه مستشفى امراض عقليه من البوست الجامد اهنيكى يا برنسس

إيثار said...

طريقة تعبيرك رائعة
و ربنا يوفق
ممتاز يكون نائب

تحياتي

ادم المصرى said...

ايه يبنتى مفيش جديد ولا ايه يله بقه استنينا كتير

ادم المصرى said...

فين يا قمررررر الجديد


ننتظرك



\


\

تحياتى

Anonymous said...

جزء من المغامره دى عشتها لما اختى دخلت الطب
دانا حتى رحت معاها المشرحه عشان انقي معاها جمجمه حلوه تذاكر عليها وسميتها خدوجه
:)
ذكريااااااااات

مصطفى نوبى said...

هههههههههههههههههههههههه
ضحكتينى


جميل جدا


دمتى طبيبه
ومبدعه

Anonymous said...

سلام عليكم دى أول مرة أدخل على المدونة الرائعة دى واللى بتحكى الواقع المرير اللى فعلا بيحصلنا على فكرة أنا فى كلية طب رايح سنه خمسة وأنا أعجبت يا سنووايت فعلا بكتاباتك وياريت لو حضرتك كتبتى موضوع جديد تبعتلى لو سمحتى على إميلى وأكون سعيدلوساعدت حضرتك فى سرد الواقع المرير اللى بيحصلنا ......شكرا
lord_bluebird@yahoo.com and on skype also
medical_sa2er@hotmail.com
د. أحمد حسن شاهين

Hossam said...

wooooooooow
u ahve a gr8 interesting tone in ur writing
مدونتك لذيذة اوى
بس انتى كده خوفتينى انى اخش طب
هههههههههههههههههه
تقبلى مرورى
سلام عليكم

Dr. Ibrahim said...

هههههههههههههههههههه

كلام جميل والله مدونة لذيذة وانا اول مرة ادخلها ومش هتكون أخر مرة

وطبعاً هناك دائما ما هو أعلى مننا

ويا سلام النائب برده أعلى منه دكتور أكبر

وهكذا والشلاليت بتبقى إيه ولا كلمة

يارب ميوقعنا فى حد بيعطى بالشلاليت

ويارب أبقى نائب ..يارب

ههههههههههههه

د/هيما

قوت القلوب said...

غريبة هو ليه أغلب الأطباء أدباء هو إنتوا بتدرسوا إيه في الكلية بالظبط؟

عرب جروب said...

مدونه جميله ورائعه
اتمنى منك الاهتمام اكثر بها
بالتوفيق ان شاء الله

عرب سفن said...

رائعه
وحلو قوى اسم الموضوع
"ممتاز في مستشفي العجائب"
ههههههههههه

ahmedabediom said...


شركة داما السعودية

تقدم خدمات تصميم وتطوير المواقع لدي الشركات السعودية
باستخدام تكنولوجيا التسويق الالكتروني الحديث

دور شركة داما :

عمل بحث لمنافسيك لعمل موقع جيد
تنفيذ نموذج تجريبي لموقعك
حجز اسم الموقع الخاص بيك
تصميم موقع حسب اختيارك
التدريب علي لوحة التحكم لسهولة التعامل
التسويق الالكتروني للظهور في نتائج البحث
توافق المواقع مع محركات البحث SEO
صيانة الوقع بصفه دورية
دعم فني 24 ساعة في اليوم 7 ايام في الاسبوع


info@edaama.com

sales@edaama.com

00966566341760


Web Site http://www.e-daama.com
Blogger http://www.e-daama.blogspot.com
Page Facebook http://www.facebook.com/edaamaa
Linked IN http://www.linkedin.com/in/edaama
Twitter http://www.twitter.com/E_Daama
YouTube http://www.youtube.com/Edaama



Unknown said...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث

Unknown said...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

Unknown said...

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث

Unknown said...

شركة تنظيف بالرياض
شركة تنظيف منازل بالرياض
شركة مكافحة حشرات بالرياض
شركة عزل خزانات بالرياض
شركة مكافحة النمل الابيض بالرياض

Unknown said...

شركة تنظيف بالرياض
شركة تنظيف منازل بالرياض
شركة مكافحة حشرات بالرياض
شركة عزل خزانات بالرياض
شركة مكافحة النمل الابيض بالرياض

أسواق أونلاين said...

جيد

أسواق أونلاين said...

جيد